Programi ka për objektiv të ofrojë karierë të suksesshme studentëve në sektrorin financiar. Modulet, të cilat zhvillohen, ua mundësojnë studentëve që të:

• thellojnë dijet dhe aftësitë si dhe rrjetin e nevojshëm për lidership të suksesshëm në ekonomi dhe sidomos në financa dhe në sistemin bankar;
• aftësohen, që në mënyrë kritike dhe të pavarur të kuptojnë rëndësinë e diversitetit të sistemit financiar dhe bankar në vende të ndryshme; tregun e kapitalit dhe menaxhimin e riskut; faktorët e strukturës, performancave dhe efiçencës së bankave dhe institucioneve të tjera financiare; rolin e ndërmjetësuesve financiar dhe evoluimin e bankingut virtual; performansat e investimeve në fondet pensionale, kompanitë e sigurimeve dhe trustet; parimet themelore të menaxhimit ndërkombëtar të portfolios; si bankat menaxhojnë biznesin e tyre, ndërtojnë relacionet me konsumatorët, përmirësojnë efiçencën e operacioneve dhe rrisin vlerën e aksioneve.

Programi veçanërisht u përshtatet studentëve që punojnë ose planifikojnë të punojnë në banka, investime, shërbime financiare, fonde pensionale, institucione të sigurimit, institucione të arsimit të lartë, në tregun e kapitalit, në financat në sektorin publik, në organiztatat joprofitabile, në bankat qendrore, qeveritë qendrore dhe lokale dhe në organizatat ndërkombëtare.